ވޯލްޑް ކަޕް 2026: ޕެރަގުއާއީ 0-0 ފްރާންސް (ހާފްޓައިމް)

ފުރަތަމަ ހާފުގެ ކުޅުން ނިންމާލައިފި. ހާފު ނިމުނީ 0-0 ގެ ނަތީޖާއަކުން ދެ ޓީމު އެއްވަރުވެގެން. 

ފުރަތަމަ ހާފުގެ އިތުރު ވަގުތުގެ ގޮތުގައި ތިން މިނެޓުގެ ކުޅުން ދައްކައިފި. 

'36 - ފްރާންސްގެ ހަމަލާއެއް. ކޯނަރެއްގެ ތެރެއިން ޕެނަލްޓީ އޭރިއާ ތެރޭ ހުއްޓައި ލިބުނު ބޯޅައަކުން، ޖޫލްސް ކޫންޑޭ ފޮނުވާލި ހަމަލާ އަމާޒުވީ ޕެރަގުއާއީ ކީޕަރު އޯލެންޑޯ ހިލްއާ ދިމާއަށް. އުނދަގުލެއް ނެތި އޭނާ ވަނީ ބޯޅަ ހޯދާފައި. 

'33 - ފްރާންސްގެ ހަމަލާއެއް. ޕެނަލްޓީ އޭރިއާ ބޭރުން އެޑްރިއެން ރަބިއޯ ފޮނުވާލި ބާރު ހަމަލާ ދިޔައީ ޕެރަގުއާއީ ގޯލުގެ ހުރަސް ދަނޑިމަތިން ބޭރަށް. 

'31 - ފްރާންސްގެ ނުރައްކާތެރި ހުރަހެއް. އުސްމާން ޑެމްބެލޭ ނަގައިދިން ބޯޅަ، ޕެނަލްޓީ އޭރިއާ ތެރޭ ހުރި ކެޕްޓަން ކިލިއަން އެމްބާޕޭގެ ބޮލުގައި ލައްވާލާފައެއް ނުވޭ. 

'28 - ޕެރަގުއާއީގެ ހަމަލާއެއް. ޕެނަލްޓީ އޭރިއާ ބޭރުން ޖޫނިއާ އަލޮންސޯ ފޮނުވާލި ހަމަލާ، ފްރާންސް ޑިފެންޑަރު ޑަޔޮޓް އުޕަމެކާނޯ ވަނީ ބްލޮކްކޮށްފައި. 

'22 - މެޗުގެ ފުރަތަމަ ހަމަލާ ފްރާންސުން. ޕެނަލްޓީ އޭރިއާ ބޭރުން މަނޫ ކޯނޭ ފޮނުވާލި ހަމަލާ، ޕެރަގުއާއީ ޑިފެންޑަރު ގުސްތާވޯ ގޮމޭޒް ވަނީ ބްލޮކްކޮށްފައި. 

'19 - ޕެރަގުއާއީގެ ހުއާން ހޯސޭ ކަސެރޭސްއަށް ކުރި ފައުލަކާ ގުޅިގެން ފްރާންސްގެ ބްރޭޑްލީ ބާކޯލާއަށް ރީނދޫ ކާޑެއް، މިއީ މެޗުގެ ފުރަތަމަ ކާޑު.

ފްރާންސުން އެޓޭކަށް މަސައްކަތްކުރަމުންދާ އިރު، ޕެރަގުއާއީ އިން ކުޅެމުންދަނީ ވަރަށް ބޮޑަށް ޑިފެންސަށް އިސްކަންދީގެން. ފުރަތަަމަ 15 މިނެޓުގެ ތެރޭގައި ދެ ޓީމަށް ވެސް ގޯލު ޖަހާނެ ފުރުސަތެއް ތަނަވަސްކުރެވިފައެއް ނުވޭ. 

މެޗުގެ ފުރަތަމަ ފަސް މިނެޓުގެ ތެރޭގައި ފްރާންސްގެ އެޓޭކު ފެނުނީ ވަރުގަދަކޮށް. ނަމަވެސް ގޯލު ޖަހާނެ ފުރުސަތެއް ތަނަވަސްކުރެވިފައެއް ނުވޭ. 

މިއީ އެންމެ ގަދަ ހޫނުގައި ކުޅޭ އެއް ވޯލްޑް ކަޕް މެޗު. ފިލަޑެލްފިއާގެ ފިނިހޫނުމިން ހުރީ 38 ޑިގްރީސް ސެލްސިއަސްގައި.

މެޗުގެ ކުޅުން ފަށައިފި. ކިކްއޯފް ކުރީ ފްރާންސުން. 

ފްރާންސްގެ ބެންޗުން ވެސް ޑިޒަައިރޭ ޑޫއޭ އަދި ރަޔަން ޗާކީ ފަދަ ތަރިން ފާހަގަކޮށްލެވޭ. 

ފްރާންސްގެ ޓީމުން ފެންނަނީ އެންމެ ބަދަލެއް. އެއީ އަނިޔާއާ ގުޅިގެން އޯރެލިއެން ޗުއަމެނީ އަނިޔާއާ ގުޅިގެން މަނޫ ކޯނޭއަށް ފުރަތަމަ 11 އިން ފުރުސަތުދިނުން. 

ފްރާންސްގެ ފުރަތަމަ 11: 

- މައިކް މިނިއޯ (ގޯލްކީޕަރު) 

- ޖޫލްސް ކޫންޑޭ 

- ޑަޔޮޓް އުޕަމެކާނޯ 

- ވިލިއަމް ސަލީބާ 

- ލޫކަސް ޑީނޭ

- މަނޫ ކޯނޭ 

- އެޑްރިއެން ރަބިއޯ 

- ބްރެޑްލީ ބާކޯލާ 

- މައިކަލް އޮލީސޭ 

- އުސްމާން ޑެމްބެލޭ

- ކިލިއަން އެމްބާޕޭ (ކެޕްޓަން) 

މި މެޗަށް ޕެރަގުއާއީ އިން ނުކުންނަނީ ބައެއް ބަދަލުތަކާއެކު. އެގޮތުން ފަސް ޑިފެންޑަރުންނާއެކު ގެނައި ބަދަލު ފާހަގަކޮށްލެވޭ. ނަމަވެސް އެޓީމުގެ އެޓޭކާއި މެދުތެރޭގެ މުހިންމު ކުޅުންތެރިން މި މެޗުގެ ފުރަތަމަ 11 ގައި ވެސް ވަނީ ހިމަނާފައި. 

ޕެރަގުއާއީގެ ފުރަތަމަ 11: 

- އޯލެންޑޯ ހިލް (ގޯލްކީޕަރު) 

- ޖޫނިއާ އަލަންސޯ 

- އޮމަރް އަލްޑެރޭޓް 

- ގުސްތާވޯ ގޮމޭޒް (ކެޕްޓަން) 

- ގުސްތާވޯ ވަލަޒްކޭޒް

- ހުއާން ހޯސޭ ކަސެރޭސް 

- ޑިއޭގޯ ގޮމޭޒް 

- އަންދްރޭސް ކުބާސް 

- މެތިއަސް ގަލާޒާ 

- މިގެލް އަލްމިރޮން 

- ހޫލިއޯ އެންސީސޯ 

ދެކުނު އެމެރިކާއަށް ނިސްބަތްވާ ޕެރަގުއާއީން މިހާތަނަށް އަށް ފަހަރު ވޯލްޑް ކަޕްގައި ކުޅެފައިވޭ އެޓީމަކީ ފުރަތަމަ ބޭއްވި 1930 ވަނަ އަހަރުގެ ވޯލްޑް ކަޕްގައި ކުޅުމުގެ ޝަރަފު ވެސް ހޯދި ޓީމެއް. ދެކުނު އެމެރިކާގެ ޗެމްޕިއަންކަން 1979 އަދި 1953 ވަނަ އަހަރު ހޯދި ޕެރަގުއާއީ 1950 ވަނަ އަހަރާއި 1958 ވަނަ ވޯލްޑް ކަޕްގައިވެސް ކުޅުނު.

އޭގެފަހުން މެދުކެނޑުމަކަށްފަހު 1986 ވަނަ އަހަރު ވޯލްޑް ކަޕް ގަދަ 16 އަށް ދަތުރުކުރި އިރު، 1998 ވަނަ އަހަރުން 2010 ވަނަ އަހަރާ ދެމެދުވެސް ޕެރަގުއާއީ ވޯލްޑް ކަޕްގައި ކުޅުނު. އެންމެފަހުން ކުޅުނު ވޯލްޑް ކަޕްގެ ކުއާޓާ ފައިނަލުގައި ކުޅެ، ޕެރަގުއާއީ ވަނީ ގިނަ ބަޔަކު ހައިރާން ކޮށްލައިފައި. އެއީ އެޓީމުގެ އެންމެ ބޮޑު ކާމިޔާބީ. 

ދުނިޔޭގެ ފުޓުބޯޅައިގެ އެންމެ ކާމިޔާބު އެއް ގައުމު ކަމަށްވާ ފްރާންސަކީ ހުނަރުވެރި ގިނަ ތަރިންތަކެއް ހިމެނޭ ވަރުގަދަ ޓީމު. ފްރާންސުން ވަނީ ދެ ފަހަރެއްގެ މަތިން ފީފާ ވޯލްޑް ކަޕް ކާމިޔާބުކޮށްފަ. އެއީ 1998 ވަނަ އަހަރާއި 2018 ވަނަ އަހަރު. މީގެ އިތުރުން 2006 އަދި 2022 ވަނަ އަހަރުގެ ވޯލްޑް ކަޕްގެ ފައިނަލުގައި ވާދަކުރި. ސަރަހައްދީ މުބާރާތްތަކަށް ބަލާއިރު، ޔޫރޯ ވެސް ފްރާންސުން ވަނީ ދެ ފަހަރު ކާމިޔާބުކޮށްފައި. އެއީ 1984 އަދި 2000 ވަނަ އަހަރު. އަދި 2021 ވަނަ އަހަރުގެ ޔޫއެފާ ނޭޝަންސް ލީގުގެ ޗެމްޕިއަންކަންވެސް ހޯދާފައިވަނީ ފްރާންސުން. މިއާއެކު، ފްރާންސް ވެފައިވަނީ ފީފާ އަދި ޔޫރަޕްގެ ހުރިހާ ބޮޑެތި މުބާރާތްތަކެއް ކާމިޔާބުކޮށްފައިވާ މަދު ގައުމުތަކުގެ ތެރެއިން އެއް ގައުމަށް.

މިފަހަރުގެ ވޯލްޑް ކަޕްގައި ގިނަ ބައެއްގެ ސަމާލުކަން ހުއްޓިފައިވާ، އަދި ވާދަވެރިންނަށް އެންމެ ޗެލެންޖިން އެއް ޓީމަކަށް ވެގެންދާނީ ފްރާންސް. ހާއްސަކޮށް ފްރާންސްގެ އެޓޭކިން ލައިނަކީ ގިނަ ތަރިންތަކެއް އެކުލެވޭ ޑިޕާޓްމަންޓަކަށްވުމުން، މިފަހަރު ފްރާންސްގެ ބެންޗު ވެސް ވެގެންދާނީ ތަރިންގެ މައްޗަށް އެކުލެވޭ ބެންޗަކަށް. ދުނިޔޭގެ އެންމެ ނުރައްކާތެރި އެޓޭކިން ލައިނާއެކު ފްރާންސުން މިފަހަރު މަސައްކަތްކުރާނީ ގެއްލިގެންދިޔަ ވޯލްޑް ކަޕްގެ ތަށި އަލުން ހޯދުމަށް.