ގާނޫނާ ހިލާފަށް ރާއްޖެ ސަރަހައްދަށް ވަދެއުޅުނު ބޭރުގެ މަސްބޯޓެއް އެމްއެންޑީއެފް ކޯސްޓްގާޑުގެ ބެލުމުގެ ދަށަށް ގެނެސްފިއެވެ.

އެމްއެންޑީއެފް އިން މިއަދު ބުނީ އެ ބޯޓު ފެނިފައިވަނީ ކ. ދިއްފުށްޓާ ދިމާ އިރުމަތިން ރާއްޖޭގެ ހާއްސަ އިގުތިސޯދީ ސަރަހައްދުން ކަމަށެވެ.

އެ ބޯޓުގައި ހަ މީހުން ތިބި ކަމަށްވެސް އެމްއެންޑީއެފުން މައުލޫމާތު ދެ އެވެ.

ގަވާއިދާ ހިލާފަށް ރާއްޖޭގެ ސަރަހައްދަށް ވަދެ އުޅޭ މަސް ބޯޓުތަކާއި އެހެނިހެން އުޅަނދުތައް ދޭތެރެ ދޭތެރެއިން އެމްއެންޑީއެފުން ހިފަހައްޓައެވެ.