މައިކްރޯސޮފްޓުން އިތުރު 9,000 މުވައްޒަފުން ވަޒީފާއިން ވަކިކުރަން ނިންމާފައިވާ ކަމަށް ރިޕޯޓުތައް ބުނެފިއެވެ. މިއީ މައިކްރޯސޮފްޓުގެ މުވައްޒަފުންގެ 4 އިންސައްތައެވެ.

އެ ކުންފުނިން 2023 ގައި 10,000 މުވައްޒަފުން ވަކިކުރިއެވެ. 2025 ގެ މޭ މަހު 6,000 މުވައްޒަފުން ވަކިކުރިއެވެ.

މުވައްޒަފުން ވަކިކުރަނީ އާޓިފިޝަލް އިންޓެލިޖެންސަށް އިސްކަންދިނުމަށާއި، މެނޭޖްމަންޓް މުވައްޒަފުންގެ އަދަދު ދަށްކުރުމަށާއި ވަސީލަތްތައް އަލުން ބެހުމަށް ކަމަށް ޓެކްނޮލޮޖީ ހަބަރުތައް ބުނެއެވެ.

މައިކްރޯސޮފްޓުގެ އެންމެ ފަހުގެ ކުއާޓަރުގައި 70 ބިލިއަން ޑޮލަރުގެ އާމްދަނީ ލިބިފައިވެއެވެ. 26 ބިލިއަން ޑޮލަރުގެ ސާފު ފައިދާ ލިބިފައިވެއެވެ.