އަބީޝެކް ބައްޗަންގެ އަލަށް ނެރޭ ފިލްމު "ކާލީދަރު ލާޕަތާ" ގެ ޓްރެއިލާ ރިލީސްކޮށްފިއެވެ. މަދުމިތާ ޑައިރެކްޓްކޮށްފައިވާ މި ފިލްމުގައި އަބީޝެކް ފެނިގެންދަނީ ކާލީދަރުގެ ރޯލުންނެވެ.

ކާލީދަރަކީ ހަނދާންނެތުމާއި، އެކަހެރިވުމާއި، އަދި ޚިޔާނާތްތެރިކަމާ ކުރިމަތިލާން ޖެހޭ މެދު އުމުރުގެ މީހެކެވެ. އޭނާގެ އާއިލާއިން އޭނާ ބާކީކޮށްލަން ރާވާ ވާހަކަ އެނގުމުން، އަމިއްލައަށް ފިލައިގެން ދިއުމަށް ނިންމައެވެ. ބައްލޫ (8 އަހަރުގެ ކުއްޖެއް) އާ ބައްދަލުވުމުން އޭނާގެ ދިރިއުޅުމަށް ބޮޑު ބަދަލެއް އާދެއެވެ.

https://www.instagram.com/reel/DLKNfWVi5RF/?igsh=bHo0MHhsZzZ4d2I5

އަބީޝެކް ބުނެފައިވަނީ ކާލީދަރުގެ ރޯލު ކުޅުމަކީ ތަފާތު އާ ކަމެއް ކަމަށެވެ. ކާލީދަރަކީ ނާޒުކު، ކުޑަކުއްޖެއް ފަދަ އަދި އިންސާނީ ސިފަތައް ގަދަ ކެރެކްޓަރެއް ކަމަށް އޭނާ ބުނެފައިވެއެވެ. މި ފިލްމަކީ އޭނާގެ ކެރިއަރުގައި ވަރަށް ފަހުރުވެރިވާ ފިލްމެއް ކަމަށްވެސް ބުނެފައިވެއެވެ.

ޑައިރެކްޓަރު މަދުމިތާ ބުނެފައިވަނީ މި ފިލްމުން އެކަހެރިވުމާއި، އިއްޒަތާއި، އަދި އިންސާނީ ގުޅުމުގެ ބާރު ދައްކުވައިދޭނެ ކަމަށެވެ. އަބީޝެކް އަދި ދައިވިކް (ބައްލޫގެ ދައުރު ކުޅޭ ކުއްޖާ) ގެ އޮންސްކްރީން ކެމިސްޓްރީ ވަރަށް ރީތި ކަމަށް އޭނާ ބުނެފައިވެއެވެ. މި ފިލްމަކީ ހަމައެކަނި ފިލްމެއް ނޫންކަމަށާއި، މީހަކު އެމީހާގެ އަސްލު ގޮތުގައި ބަލައިގަތުމާއި ފެނިގެން ދިއުމުގެ މާނައާމެދު ވިސްނައިލުމެއް ކަމަށްވެސް މަދުމިތާ ބުނެފައިވެއެވެ.