އަނުރާގް ބަސޫ ޑައިރެކްޓްކޮށްފައިވާ "މެޓްރޯ... އިން ދިނޯ" ގެ ޓްރެއިލާ ނެރެފިއެވެ. މި ފިލްމުގައި އަދިއްތިޔާ ރޯއި ކަޕޫރު، ސާރާ އަލީ ޚާން، ފާތިމާ ސަނާ ޝައިޚް އަދި އަލީ ފަޒަލް ފަދަ މަޝްހޫރު ތަރިން ފެނިގެންދެއެވެ.

ޓްރެއިލާގައި ދައްކާފައިވަނީ ލޯބީގެ އުފާވެރިކަމާއި ހިތާމަވެރިކަމުގެ ވާހަކަތަކެކެވެ. އަދިއްތިޔާ އާއި ސާރާގެ ލޯބީގެ ވާހަކަ، ފާތިމާ އާއި އަލީގެ އަލަތު ކައިވެނީގެ ވާހަކަ، އަދި ކޮންކޯނާ އާއި ޕަންކަޖްގެ ކައިވެނީގެ ގުޅުމުގައި އަލުން ލޯބި އާލާކުރުމުގެ ވާހަކަ ހިމެނެއެވެ. މީގެ އިތުރުން ނީނާ އާއި އަނޫޕަމްގެ ދުވަސްވީ ގުޅުމެއްގެ ލޯބީގެ ވާހަކަވެސް ދައްކާފައިވެއެވެ.

https://youtu.be/Wm2R3aJPY2M

މި ފިލްމުގެ މިޔުޒިކް ކޮމްޕޯސްކޮށްފައިވަނީ ޕްރީތަމްއެވެ. އަދި އަރިޖިތް ސިންގްގެ މިޔުޒިކްވެސް ހިމެނެއެވެ. މި ފިލްމަކީ މިޒަމާނުގެ ގުޅުންތަކުގެ އުނދަގޫތައް ދައްކުވައިދޭ، ހަލުވި އަދި އިހުސާސްތަކުން ފުރިގެންވާ ފިލްމެކެވެ.

"މެޓްރޯ... އިން ދިނޯ" ސިނަމާތަކަށް ނެރޭނީ 4 ޖުލައި ގައެވެ.