ލ. ކައްދޫގައި ކުރިއަށްދިޔަ އެމްއެންޑީއެފްގެ ތަމްރީނެއްގައި އުޅެނިކޮށް މިޔަރެއް ހަމަލާ ދިނުމުގެ ސަބަބުން ސިފައިންގެ މީހަކު ނިޔާވެއްޖެއެވެ.

ނިޔާވެފައިވަނީ ރ. އުނގޫފާރަށް ނިސްބަތްވާ މުހައްމަދު ޒިދާން ނަމަކަށް ކިޔާ ޒުވާނެކެވެ.

"ވަން"އަށް އެނގިފައިވާ ގޮތުގައި މިޔަރު ހަމަލާދީފައިވަނީ ޒިދާންގެ ފަޔަށެވެ. އޭނާގެ ހާލު ސީރިއަސްވެ، ފަރުވާ ދީފައިވަނީ ލ. ގަމު ރީޖަނަލް ހޮސްޕިޓަލުގެ އައިސީޔޫގައެވެ. މިއަދު ޒިދާން ނިޔާވެފައިވަނީ އައިސީޔޫގައި ފަރުވާދެމުން ދަނިކޮށެވެ.

ޒިދާންގެ ހަށިގަނޑު މިރޭގެ ވަގުތެއްގައި މާލެ ގެންނާނެއެވެ.