ރ. އަނގޮޅިތީމު ބަނދަރު ތަރައްގީ ކުރުމުގެ މަޝްރޫއުގެ ދަށުން އެއްގަމުތޮށިލުމުގެ މަސައްކަތް ނިންމާލާފައިވާ ކަމަށް އެ މަސައްކަތުގެ ކޮންޓްރެކްޓަރު އެމްޓީސީސީން ބުނެފިއެވެ.

އެމްޓީސީސީން މިއަދު ބުނީ ބަނދަރުގެ އެއްގަމު ތޮށިލުމުގެ މަސައްކަތް އެއްކޮށް ނިންމައި، ޕޭވްމަންޓް ހެދުމުގެ މަސައްކަތް މި ހަފުތާ ތެރޭ ފަށަން ތައްޔާރުވެފައިވާ ކަމަށެވެ.

މި މަޝްރޫއުގެ ދަށުން، 42،615 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި 221 މީޓަރުގެ ސަރަހައްދެއްގައި ބޭރުތޮށި ލުމާއި 166 މީޓަރުގެ ސަރަހައްދެއްގައި ރިވެޓްމެންޓް ޖެހުން ހިމެނެއެވެ. އަދި 91 މީޓަރުގެ ސަރަހައްދެއްގައި އެއްގަމުތޮށި ލުމާއި 1110 އަކަ މީޓަރުގެ ސަރަހައްދެއްގައި ޕޭވްމެންޓް ހެދުމާއި މަގުބައްތި އާއި ނެރުބައްތި ހަރުކުރާނެއެވެ.

މި މަޝްރޫއުއަކީ ޖުމުލަ 40.7 މިލިއަން ރުފިޔާގެ މަޝްރޫއެކެވެ.