ވަން އޮންލައިން އުމްރާ ދަތުރެއް ހޯދުމުގެ ފުރުސަތު ލިބޭ ގިވްއަވޭއެއް ފަށައިފިއެވެ.

ވަން އޮންލައިންގެ މާކެޓިން މެނޭޖަރު މަރިޔަމް ހަޝްމާ ވިދާޅުވީ، މި ގިވްއަވޭ ހަރަކާތަކީ މިދިޔަ މަހު "ވަން" އިން ފެށި ގިވްއަވޭ ހަރަކާތުގެ ތެރެއިން ދެވަނަ ގިވްއަވޭ ހަރަކާތް ކަމަށެވެ.

"މި މަހު އަޅުގަނޑުމެންގެ ގިވްއަވޭ މި ކުރިއަށްގެންދަނީ ފަރީ ހައްޖު އެންޑް އުމްރާ ޓުއާސްއާ ގުޅިގެން. އެގޮތުން ނަސީބުވެރި އެއް ފަރާތަކަށް އުމްރާ ދަތުރެއް ލިބިގެންދާނެ" ހަޝްމާ ވިދާޅުވިއެވެ.

މިއަދު ފެށި މި ގިވްއަވޭގެ ނަސީބުވެރިޔާ އިއުލާނުކުރުން އޮންނާނީ މި އޮކްޓޯބަރު މަހުގެ 31 ވަނަ ދުވަހުއެވެ.

ގިވްއަވޭގައި ބައިވެރިވެވޭނެ ގޮތް

  • ވަން އޮންލައިންގެ ފޭސްބުކް، އިންސްޓަގްރާމް އަދި ޓިކްޓޮކް އެކައުންޓަށް ފޮލޯ ކުރުން
  • ވަން އޮންލައިންގެ އިންސްޓްގްރާމް ޕޭޖުން ޕޯސްޓުކުރާ ގިވްއަވޭ ޕޯސްޓަށް ލައިކެއް ދިނުން
  • ވަން އޮންލައިންގެ ގިވްއަވޭ ޕޯސްޓު އެ މީހެއްގެ ފޭސްބުކް، އިންސްޓަގްރާމް އަދި ޓިކްޓޮކް ސްޓޯރީގައި ޝެއާކުރުން
  • ވަން އޮންލައިންގެ ގިވްއަވޭ ޕޯސްޓުގެ ކޮމެންޓު ބައިގައި 8 މީހުން ޓެގް ކުރުން

"ވަން" އިން ވަނީ މިދިޔަ މަހު ވިވޯ ހޯމްއާ ގުޅިގެން ޓެކްޓިމޯ 70 އިންޗީގެ ސްމާޓް ޓީވީއެއް ގިވްއަވޭގައި ދޫކޮށްލައިފައެވެ.

ފަރީ ހައްޖު އެންޑް އުމްރާ ޓުއާސްއަކީ ގިނަ ބައެއްގެ އިތުބާރު ހޯދާފައިވާ ގްރޫޕެކެވެ. ފަރީ ހައްޖު އެންޑް އުމްރާ ގްރޫޕުގެ އެންމެ ހާއްސަ ކަމަކީ އުމުރާވެރީންނާ އެ ގްރޫޕުން ބަހައްޓާ ގާތްކަމާއި އަޅާލުމެވެ. އެގޮތުން ބަލި މީހުންނަށް ގޮނޑީގައި ހަރަމަށް ގެންގޮސް ހޮޓަލަށް ގެނެސް ދިއުމުގެ ހިދުމަތްވެސް އެ ގްރޫޕުން ފޯރުކޮށްދޭނެއެވެ. އަދި އެކަނި އުމްރާއަށް ދާ މީހުންނަށްވެސް އެ ގްރޫޕުން ހާއްސަ އަހަންމިއްޔަތުކަމެއް ދީ ހާއްސަ އިންތިޒާމުތަކެއް ހަމަޖައްސައިދެއެވެ. އެހެންކަމުން އެކަނި މަންމަ ނުވަތަ ބައްޕަ ނުވަތަ އާއިލާގެ އެހެން މީހަކުވެސް އުމްރާއަށް ފޮނުވުމަށް ބޭނުން ނަމަ ފަރީ ހައްޖު އެންްޑް އުމްރާ ގްރޫޕަކީ އެކަމަށް އެންމެ އިތުބާރު އޮތް ގްރޫޕެކެވެ.

އުމްރާއަށް ދިއުމަށް ރަޖިސްޓްރީ ވާން ބޭނުންވާ ފަރާތްތަކުން https://forms.gle/dRjy8eVoneRDcGNR8 ލިންކް މެދުވެރިކޮށް ރަޖިސްޓްރީ ވެވޭނެ ކަމަށް ވެސް އެ ގްރޫޕުން ބުންޏެވެ.

ފަރީ ހައްޖު އެންޑް އުމްރާ ގްރޫޕްގެ އުމްރާގެ ހިދުމަތްތަކާ ބެހޭ އިތުރު މައުލޫމާތު 9110909، 9632514، 9545451 ނަންބަރުތަކުން ލިބޭނެއެވެ.