ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީއޭ)ގެ ސީއީއޯގެ މަގާމަށް މުހައްމަދު އަހުމަދު މިއަދު އައްޔަންކުރައްވައިފިއެވެ.

މުހައްމަދު އަހުމަދު، އެ މަގާމަށް އައްޔަންކުރެއްވީ، ރާއްޖޭގެ މާލީ ސެކިއުރިޓީޒްއާ ބެހޭ ގާނޫނުގެ ދަށުން ރައީސުލްޖުމްހޫރިއްޔާއެވެ. މުހައްމަދު އަހުމަދު އެ މަގާމަށް އައްޔަންކޮށްފައިވަނީ ކެބިނެޓުގެ މަޝްވަރާގެ މަތިންނެވެ.

މުހައްމަދު އަހުމަދަކީ މާލީ އަދި ބޭންކިން ދާއިރާގައި ގިނަ ދުވަހު ހިދުމަތް ކުރައްވާފައިވާ، 40 އަހަރަށްވުރެ ގިނަ ދުވަހުގެ ތަޖުރިބާ ހުރި ބޭފުޅެކެވެ.

އޭނާ ވަނީ މީގެ ކުރިން ފިނޭންސް މިނިސްޓްރީގެ އިތުރުން، ބޭންކް އޮފް މޯލްޑިވްސް (ބީއެމްއެލް)އާއި ސޮލަރެލް އިންޝުއަރެންސްގެ އިސް މަގާމުތައް ފުރުއްވާފައެވެ.