ވޯލްޑް ކަޕް 2026: ކެނެޑާ 0-1 މޮރޮކޯ

'79 - ކެނެޑާގެ ނުރައްކަލެއް. ޕެނަލްޓީ އޭރިއާ ބޭރުން ޓަޔޯން ބިއުކެނަން ފޮނުވާލި ބާރު ހަމަލާ، މޮރޮކޯ ކީޕަރު ޔަސީން ބޯނޯ ވަނީ މަތަކޮށްފައި. 

'78 - ނުރައްކާ ހިސާބަކުން ކެނެޑާއަށް ހިލޭ ޖެހުމެއް ލިބުނު ނަމަވެސް، އެ ހިލޭ ޖެހުމުން ނުރައްކަލެއް ނެތް. ޖޮންތަން ޑޭވިޑް ފޮނުވާލި ހިލޭ ޖެހުން، މޮރޮކޯގެ ގޯލާ އަމާޒުވެފައެއް ނުވޭ. 

ހައިޑްރޭޝަން ބްރޭކަށް މެދުކަނޑާލުމަށްފަހު، އަލުން ކުޅުން ފަށައިފި. 

ފުރަތަމަ ހާފާ ހިލާފަށް ދެވަނަ ހާފުގައި ފެށުން ނުރައްކާކޮށް ފެންނަނީ މޮރޮކޯ. މޮރޮކޯގެ އަވަސް ކައުންޓާ އެޓޭކުތައް ހުއްޓުވުމަށް ކެނެޑާއިން ދަނީ އުނދަގޫތަކަކާ ކުރިމަތިލަމުން. 

'50 - ހިތްގައިމު ގޯލަކާއެކު މޮރޮކޯއިން ލީޑު ހޯދައިފި. ހިލޭ ޖެހުމަކުން ކެޕްޓަން އަޝްރަފް ހަކީމީ ޖައްސާލި ބޯޅަ، ޕެނަލްޓީ އޭރިއާ ބޭރުން ކެނެޑާ ގޯލުގެ ތިރީ ކަނަކަށް އަމާޒުކޮށްލައިގެން މޮރޮކޯއަށް މި ގޯލު ކާމިޔާބުކޮށްދިނީ އަޒެދީން އުނާހީ، 

މެޗުގެ ދެވަނަ ހާފުގެ ކުޅުން ފަށައިފި. 

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 0-0 ގެ ނަތީޖާއަކުން ދެ ޓީމު އެއްވަރުވެގެން. 

ފުރަތަމަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި. 

ހަމަނުޖެހުމަކާ ގުޅިގެން ކެނެޑާގެ ރިޗީ ލަރޭޔާ އަދި މޮރޮކޯ ކެޕްޓަން އަޝްރަފް ހަކީމީއަށް ވެސް ރީނދޫ ކާޑެއް. 

ހައިޑްރޭޝަން ބްރޭކަށް މެދުކަނޑާލުމަށްފަހު އަލުން މެޗުގެ ކުޅުން ފަށައިފި. 

'21 - އަނިޔާއަކާ ގުޅިގެން މޮރޮކޯގެ އެންމެ މުހިންމު ފޯވަޑް އިސްމާއިލް ސައިބާރީ ވަނީ ބަދަލުކުރަން ޖެހިފައި. އޭނާގެ ބަދަލުގައި ކުޅެން ނުކުތީ ސުފިއާން ރަހީމީ. 

މޮރޮކޯއަށް ރަނގަޅު ކުޅުމެއް ދެއްކުމަށް އަންނަނީ އުނދަގޫތަކާ ކުރިމަތިވަމުން. އެޓޭކުގައި ނުރައްކާކޮށް ފެންނަނީ މޮރޮކޯ. 

'11 - ކެނެޑާއަށް ހުސް ފުރުސަތެއް. ޖޮނަތަން ޑޭވިޑް ދިން ރީތި ބޯޅަ، ރީތިކޮށް ކޮންޓްރޯލުކޮށް ޕެނަލްޓީ އޭރިއާ ތެރެއަށް ވަނުމަށްފަހު ޓަނީ އޮލުވާޝޭ ފޮނުވާލި ހަމަލާ، މޮރޮކޯގެ ކީޕަރު ޔަސީން ބޯނޯ ވަނީ މަތަކޮށްފައި. 

'5 - ފުރަތަމަ ފުރުސަތު ކެނެޑާއަށް. ޕެނަލްޓީ އޭރިއާ ތެރެއިން ކެނެޑާއިން ނުރައްކާކުރުމުގެ ކުރިން މޮރޮކޯގެ ކީޕަރު ޔަސީން ބޯނޯ ވަނީ ކުރިއަށް ނުކުމެ ދިފާއުކޮށްފައި. 

ކެނެޑާގެ ފެށުން ވަރުގަދަ، ކުރިއަށް ޖެހި އެޓޭކު ކުރުމަށް އަންނަނީ މަސައްކަތްކުރަމުން. 

މެޗުގެ ކުޅުން ފަށައިފި.