މިމަހުގެ 14 ވަނަ ދުވަހާއި 15 ވަނަ ދުވަހު، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ކެބިނެޓަށް ގެންނެވި ބޮޑު ބަދަލުގެ ތެރެއިން އަލަށް ހުވައި ކުރެއްވި މިނިސްޓަރުންނަށް ރުހުން ހޯއްދެވުމަށް ރައްޔިތުންގެ މަޖިލީހަށް ފޮނުއްވުމުން، އެ ބޭފުޅުންނަށް ރައްޔިތުންގެ މަޖިލީހުން ރުހުން ދީފިއެވެ.

ރައީސް މުއިއްޒު، އެމަނިކުފާނުގެ ކެބިނެޓް 20 އިން 15 އަށް މަދު ކުރައްވައި ގެންނެވި ބަދަލުތަކުގެ ތެރެއިން، ރައްޔިތުންގެ ވިންދާ އެއްގޮތަށް ސަރުކާރު ހިންގެވުމަށް ރައީސުލްޖުމްހޫރިއްޔާ ގެންނަވަން ބޭނުންފުޅުވާ ހެޔޮ ބަދަލުތަކަށް ފުރުސަތު ދެއްވުމުގެގޮތުން، މިމަހުގެ 14 ވަނަ ދުވަހު 10 މިނިސްޓަރަކު އިސްތިއުފާ ދެއްވިއެވެ.

އިސްތިއުފާ ދެއްވި 10 މިނިސްޓަރުން:

  • މިނިސްޓަ އޮފް ޑިފެންސް މުހައްމަދު ގައްސާން މައުމޫން
  • މިނިސްޓަ އޮފް ފޮރިން އެފެއާޒް ޑރ. އަބްދުﷲ ހަލީލް
  • މިނިސްޓަ އޮފް ހެލްތު އަބްދުﷲ ނާޒިމް އިބްރާހީމް
  • މިނިސްޓަ އޮފް ޓޫރިޒަމް އެންޑް އެންވަޔަރަންމަންޓް ތޯރިގު އިބްރާހީމް
  • މިނިސްޓަ އޮފް ސޯޝަލް އެންޑް ފެމިލީ ޑިވެލޮޕްމަންޓްގެ ޑރ. އާއިޝަތު ޝިހާމް
  • މިނިސްޓަ އޮފް ދިވެހި ލެންގުއޭޖް، ކަލްޗާ އެންޑް ހެރިޓޭޖް އާދަމް ނަސީރު އިބްރާހީމް
  • މިނިސްޓަ އޮފް އެގްރިކަލްޗަ އެންޑް އެނިމަލް ވެލްފެއަ ޑރ. މަރްޔަމް މާރިޔާ
  • މިނިސްޓަ އޮފް ޔޫތު އެމްޕަވަމަންޓް، އިންފޮމޭޝަން އެންޑް އާޓްސް އިބްރާހީމް ވަހީދު
  • މިނިސްޓަ އޮފް ސިޓީސް، ލޯކަލް ގަވަމަންޓް އެންޑް ޕަބްލިކް ވާކްސް އާދަމް ޝަރީފު އުމަރު
  • މިނިސްޓަ އޮފް ހަޔާ އެޑިޔުކޭޝަން، ލޭބަ އެންޑް ސްކިލްސް ޑިވެލޮޕްމަންޓް ޑރ. އަލީ ހައިދަރު އަހްމަދު

މިއަށްފަހު ރައީސް ޑރ. މުހައްމަދު މުއިއްޒު ސަރުކާރުގެ އިދާރީ އޮނިގަނޑަށް ގެންނެވި ބަދަލު ތަކުގެ ތެރެއިން މިނިސްޓަ އޮފް ސިޓީސް، ލޯކަލް ގަވަމަންޓް އެންޑް ޕަބްލިކް ވާކްސް އުވާލައްވައި، ބައެއް މިނިސްޓްރީތަކުގެ މަސައްކަތްތައް އެއްކޮށްލައްވައި، އަދި އަނެއްބައި މިނިސްޓްރީގެ މަސައްކަތްތައް ބަދަލު ކުރައްވައި، އާ ފަސް ވަޒީރަކާއެކު ޖުމްލަ 14 ވުޒާރާއެއްގެ ވަޒީރުކަން ދެއްވި ބޭފުޅުން ވަޒީރުކަމުގެ ހުވައި ކުރެއްވިއެވެ.

އާ ފަސް މިނިސްޓަރުންނާއެކު ހުވައި ކުރެއްވި ކެބިނެޓް:

  • މިނިސްޓަ އޮފް ފިނޭންސް އެންޑް ޕަބްލިކް އެންޓަޕްރައިޒަސް މޫސާ ޒަމީރު (މީކާއީލް،) 78 76 1
  • މިނިސްޓަ އޮފް ހޯމްލޭންޑް ސެކިއުރިޓީ، ލޭބަ އެންޑް ޓެކްނޯލޮޖީ އަލީ އިހްސާން (މީކާއީލް ފިއްޓޭ)78 70 2
  • މިނިސްޓަ އޮފް ފޮރިން އެފެއާޒް އިރުތިޝާމް އާދަމް 78 75
  • މިނިސްޓަ އޮފް އެޑިޔުކޭޝަން، ހަޔަ އެޑިޔުކޭޝަން އެންޑް ސްކިލްސް ޑިވެލޮޕްމަންޓް ޑރ. އިސްމާއީލް ޝަފީއު (މީކާއީލް ފިއްޓޭ) 78 73 2
  • މިނިސްޓަ އޮފް ހެލްތު، ފެމިލީ އެންޑް ވެލްފެއަ ގީލާ އަލީ (78 78
  • މިނިސްޓަ އޮފް އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑް މުހައްމަދު ސައީދު ( 78 65 12
  • މިނިސްޓަ އޮފް އިސްލާމިކް އެފެއާޒް އެންޑް އެންޑައުމަންޓްސް ޑރ.މުހައްމަދު ޝަހީމް އަލީ ސައީދު 77 74
  • މިނިސްޓަ އޮފް ޓޫރިޒަމް އެންޑް ސިވިލް އޭވިއޭޝަން މުހައްމަދު އަމީން (މީކާއީލް ފިްތެ 77 73
  • މިނިސްޓަ އޮފް ޔޫތު އެމްޕަވަމަންޓް، ސްޕޯޓްސް އެންޑް ފިޓްނަސް އަބްދުﷲ ރާފިއު ( 77 75
  • މިނިސްޓަ އޮފް އާޓްސް، ކަލްޗަ އެންޑް ހެރިޓޭޖް ހީނާ ވަލީދު ( 77 64 12
  • މިނިސްޓަ އޮފް އިންފްރާސްޓްރަކްޗަ ހައުސިންގ އެންޑް އާބަން ޑިވެލޮޕްމަންޓް ޑރ. އަބްދުﷲ މުއްތަލިބް (77 68 5
  • މިނިސްޓަ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަޖީ އަލީ ޝަރީފް (77 63 13
  • މިނިސްޓަ އޮފް ފިޝަރީޒް، އެގްރިކަލްޗަ އެންޑް އޯޝަން ރިސޯސަސް އަހްމަދު ޝިޔާމް (77 76
  • މިނިސްޓަ އޮފް ޑިފެންސް އެންޑް ނޭޝަނަލް ސާވިސް ހަސަން ރަޝީދު (76 73

މި ބަދަލުތަކުގައި ވަޒީރުންގެ މަޖިލީހުގެ މަސައްކަތްތަކުގެ ތެރެއިން ހަމަ އެކަނި ބަދަލު ގެންނަވާފައި ނުވަނީ އެޓާނީ ޖެނެރަލް އަހުމަދު އުޝާމްގެ މަގާމަށެވެ.

ވަޒީރުންނަށް ރުހުން ހޯއްދެވުމަށް މިމަހު 20 ވަނަ ދުވަހު ރައީސުލްޖުމްހޫރިއްޔާ މަޖިލީހަށް ފޮނުއްވި ސިޓީފުޅު މަޖިލީހުގެ އެދުވަހުގެ ޖަލްސާއަށް އިއްވެވުމުން، ޖަލްސާގެ ރިޔާސަތުގައި އިންނެވި، މަޖިލީހުގެ ނާއިބު ރައީސް ނިންމެވީ އެ މައްސަލަ ދިރާސާ ކުރުމަށް، މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީއަށް ފޮނުއްވިއެވެ.

އެކަމާ ބެހޭގޮތުން މިމަހު 27 ގައި ބޭއްވި ކޮމިޓީ ބައްދަލުވުމަށް އެ ބޭފުޅުންނާ ބެހޭގޮތުން، ޑިޕާޓްމަންޓް އޮފް ޖުޑީޝަން އެޑްމިނިސްޓްރޭޝަން އާއި އިކޮނޮމިކް މިނިސްޓްރީ އާއި އެންޓިކޮރަޕްޝަން ކޮމިޝަނާއި މޯލްޑިވްސް ކަރެކްޝަނަލް ސާވިސް އާއި ރައީސުލްޖުމްހޫރިއްޔާގެ އޮފީހުން ހުށަހެޅި މައުލޫމާތުތަކަށް ބެލުމަށްފަހު، އެ ބޭފުޅުންނަށް ރައްޔިތުންގެ މަޖިލީހުން ރުހުންދޭން ފެންނަ ކަމަށް ކޮމިޓީން ފާސްކުރަން ހުށަހެޅުއްވީ، ވިލުފުށީ ދާއިރާގެ މެންބަރު ހަސަން ވަހީދެވެ. ތާއީދު ކުރެއްވީ އިވަންދޫ ދާއިރާގެ މެންބަރު އަހްމަދު ނަޒީރުއެވެ.

އެވަގުތު ކޮމިޓީގައި ތިއްބެވި މެންބަރުންގެ އިއްތިފާގުން އެ ހުށަހެޅުން ފާސްކުރިއެވެ.

އެބޭފުޅުންނަށް މަޖިލީހުގެ ރުން އޮތް ތޯ ވަކި ވަކިން ވޯޓަށް އައްސަވައިގެން މަޖިލީހުން ރުން އޮތް ކަަމަށް ރައްޔިތުންގެ މަޖިލީހުގެ މިއަދުގެ ޖަލްސާގައި ފާސްކުރީ، އެ ބޭފުޅުންނަށް މަޖިލީހުން ރުހުންދޭން ފެންނަ ކަަމަަށް ފާސްކޮށް، މަޖިލިސް ތަޅުމަށް ހުށަހެޅި އެ ކޮމިޓީގެ ރިޕޯޓާ ގުޅިގެންނެވެ.