މާފަންނުގައި ހުންނަ ގުދަނެއްގައި ރޯވި އަލިފާން ކޮންޓްރޯލުކޮށްފި

އީސީން އެކްސްގައި މިރޭ ކުރި ޕޯސްޓެއްގައި ބުނީ އަލިފާނުގެ ހާދިސާގައި އިންތިހާބާ ގުޅޭ އެއްވެސް ލިޔެކިއުމަކަށް ގެއްލުމެއް ލިބިފައިނުވާ ކަމަށް. އަދި މިހާރު އިންތިހާބާ ބެހޭ މަރުކަޒުގައި ހުރި ތަކެތި ހުސްކުރުމުގެ މަސައްކަތް ކުރަމުންގެންދާ ކަމަށް.

މިހާރު އަލިފާންގަނޑު ކޮންޓްރޯލުކޮށްފި. 

ގުދަނުގެ ފާރެއް ވައްޓާލުމަށްފަހު އެތެރޭގައި ރޯވެފައިވާ އަލިފާންގަނޑު ނިއްވާލުމަށް މިހާރު ދަނީ މަސައްކަތްކުރަމުން. 

އިންތިހާބާ ބެހޭ މަރުކަޒާވީ ފަޅީގައި އަދިވެސް ވަނީ ރޯވެފައި. ނަމަވެސް ގުދަނުގައި ރޯވި އަލިފާންގަނޑު ވަނީ ވަރަށް ބޮޑަށް ކޮންޓްރޯލުކޮށްފައި. 

އަލިފާންގަނޑު މިހާރު ދަނީ ކޮންޓްރޯލުވަމުން. ނަމަވެސް މި ސަރަހައްދުގައި ވަރަށް ބޮޑަށް ދުމުގެ އަސަރު އެބަހުރި. 

އަލިފާން ކޮންޓްރޯލުކުރުމަށް އެމްއެންޑީއެފުން ދަނީ ފޯމް ޖެހުމަށް ތައްޔާރުވަމުން. އޭގެ އިތުރުން ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ ފަޔާ ޓްރަކާއެކު އިމަޖެންސީ ސާވިސްގެ ޓީމު ވެސް ދަނީ އަލިފާން ނިއްވުމުގެ މަސައްކަތްކުރަމުން. 

އަލިފާނުގެ ހާދިސާއާ ގުޅިގެން އީސީގެ އިންތިހާބާ ބެހޭ މަރުކަޒުގައި ހުރި ސާމާނު ނެރުމުގެ މަސައްކަތް ފުލުހުންނާއި އީސީގެ މުވައްޒަފުން ކުރަމުންދާ އިރު، އީސީގެ ރައީސް މުހައްމަދު ޒާހިދު ވެސް ވަނީ އެ ސަރަހައްދަށް ވަޑައިގެންފައި.

އޭގެ އިތުރުން ޑިފެންސް މިނިސްޓަރު ގައްސާން މައުމޫން ވެސް ވަނީ އެ ސަރަހައްދަށް ވަޑައިގެންފައި.