މި ރޯދަ މަހު ބޭންކް އޮފް މޯލްޑިވްސް (ބީއެމްއެލް) ހުޅުވާފައި ބަހައްޓާނެ ގަޑިތައް އިއުލާންކޮށްފިއެވެ.

ބީއެމްއެލުން ބުނީ އެ ބޭންކުގެ ބްރާންޗްތަކާއި ސާވިސް ސެންޓަރުތައް ހުޅުވާފައި ހުންނާނީ ސަރުކާރު ބަންދު ނޫން ދުވަސްތަކުގެ ހެނދުނު 9:30 އިން ފެށިގެން މެންދުރު 12:30 އަށް ކަމަށެވެ.

ބީއެމްއެލުން ބުނީ، ރޯދަމަހުގެ ފަހު ދިހައެއްގައިވެސް އެ ބޭންކުން ހިދުމަތް ދޭނެ ކަމަށެވެ. ނަމަވެސް ހިދުމަތް ދޭނެ ގަޑިތައް ފަހުން އިއުލާނު ކުރާނެ ކަމަށެވެ.

އަދި ހުރިހާ ހިދުމަތެއް އޮންލައިންކޮށް ލިބޭނެ ކަމަށް ބީއެމްއެލުން ބުންޏެވެ.