މި އަހަރުގެ މެޓް ގާލާއިން މެޓްރޮޕޮލިޓަން މިޔުޒިއަމް އޮފް އާޓްގެ ކޮސްޓިއުމް އިންސްޓިޓިއުޓަށް 31 މިލިއަން އެމެރިކާ ޑޮލަރު އެއްކޮށްފިއެވެ. މިއީ މެޓް ގާލާގެ ތާރީހުގައި އެއްކުރެވުނު އެންމެ ބޮޑު އަދަދެވެ. މިއީ މިދިޔަ އަހަރު އެއްކުރެވުނު 26 މިލިއަން ޑޮލަރަށްވުރެ 5 މިލިއަން ޑޮލަރު އިތުރު އަދަދެކެވެ.
މިއަހަރުގެ މެޓް ގާލާގެ ތީމަކީ "ސުޕަރފައިން: ޓެއިލަރިން ބްލެކް ސްޓައިލް" އެވެ. މި ތީމުން އަލިއަޅުވައިލަނީ ކަޅު ނަސްލުގެ މީހުންގެ ފެޝަނާއި ޑޭންޑިޒަމްގެ 300 އަހަރަށްވުރެ ދިގު ތާރީހަށެވެ. މި އެގްޒިބިޝަން އިންސްޕަޔަރ ވެފައިވަނީ މޮނިކާ އެލް. މިލަރގެ "ސްލޭވްސް ޓު ފެޝަން" ފޮތުންނެވެ.
މިއަހަރުގެ މެޓް ގާލާގެ ކޯ-ޗެއަރުންގެ ގޮތުގައި ތިބީ ކޯލްމަން ޑޮމިންގޯ، ލުއިސް ހެމިލްޓަން، އޭސެޕް ރޮކީ، ފަރެލް ވިލިއަމްސް އަދި އެންނާ ވިންޓަރއެވެ. އަދި ލެބްރޯން ޖޭމްސް ހުރީ އޮނަރަރީ ޗެއާގެ ގޮތުގައެވެ.
މި އިވެންޓުގައި ފާހަގަކޮށްލެވޭ ބައިވެރިންގެ ތެރޭގައި ގިގީ ހަދީދު ހިމެނެއެވެ. އޭނާ ލައިގެން ހުރީ 1940 ގެ އަހަރުތަކުން އިންސްޕަޔަރ ވެފައިވާ ރަން ކުލައިގެ މިއު މިއު ގައުނެކެވެ. އަދި އޭސެޕް ރޮކީ މި އިވެންޓުގައި ރިހާނާގެ ތިންވަނަ ދަރިފުޅު ލިބޭ ވާހަކަ އިއުލާނުކުރިއެވެ.
މި އިވެންޓުން އެއްކުރެވުނު ފައިސާ ބޭނުންކުރާނީ ކޮސްޓިއުމް އިންސްޓިޓިއުޓްގެ އެގްޒިބިޝަންތަކަށާއި، ޕަބްލިކޭޝަންތަކަށާއި، އާ އައިޓަމްތައް ގަތުމަށާއި، އިމާރާތުގެ މަރާމާތަށެވެ.
"ސުޕަރފައިން: ޓެއިލަރިން ބްލެކް ސްޓައިލް" އެގްޒިބިޝަން އާންމުންނަށް ހުޅުވޭނީ މޭ 10 ގައެވެ. އަދި މި އެގްޒިބިޝަން ކުރިޔަށް ދާނީ އޮކްޓޯބަރު 26، 2025 އާ ހަމައަށެވެ.
މެޓް ގާލާ