ޖުމުލަ 55 މިލިއަން ޑޮލަރު ހަރަދުކޮށްގެން އުތުރުތިލަފަޅުގައި (ޔޫޓީއެފް)ގައި ސެންޓްރަކް ޕްރިޒަން ކޮމްޕެލްކްސްއަކާއި ޑްރަގް ރިހިބިލިޓޭޝަން ސެންޓަރު (ހޯޕް އައިލެންޑް) ތަރައްގީކުރަން ސަރުކާރުން ނިންމައިފިއެވެ.
ރައީސް ޑރ. މުހައްމަދު މުއިއްޒު މިއަދު ވަނީ އާންމު މަންފާއަކަށްޓަކައި ހާސިލުކުރަން ބޭނުންވާ އިގުތިސޯދީ ސިޔާސަތެއްގެ ދަށުން ހިންގާނޭ މުހިންމު މަޝްރޫއުތައް ކަނޑައެޅުމުގެ ގަރާރަށް އިސްލާހުތަކެއް ގެންނަވައި ގަރާރެއް ނެރުއްވައިފައެވެ.
އެ ގަރާރުގައިވާ ރައީސް ވިދާޅުވެފައިވަނީ ގުޅިފަޅު، ފުށިދިއްގަރުފަޅު، ގިރާވަރުފަޅު (އުތުރުތިލަފަޅު) އަދި ގިރާވަރު ފަޅު ހިއްކުމަށް 20 މިލިއަން ޑޮލަރު ހަރަދުވާނެ ކަމަށެވެ. އެއިން ކޮންމެ މަޝްރޫއަކަށް ފަސް މިލިއަން ޑޮލަރު ހަރަދުވާނެ ކަމަށް ގަރާރުގައި ރައީސް ވިދާޅުވިއެވެ.
ގަރާރުގައި ރައީސް ވިދާޅުވީ ކުށަށް އަރައިގަތުމުގެ ނުރައްކަލުގައިވާ ކުދިންނަށް ބޭނުންވާ ފަރުވާ ފޯރުކޮށްދިނުމަށާއި އިސްލާހީ އަދި ރިހިބިލިޓޭޝަން ޕްރޮގްރާމުތައް ހިންގުމަށްޓަކައި ގިރާވަރު އުތުރުފަޅު (އުތުރުތިލަފަޅު) ގައި "ހޯޕް އައިލެންޑް" ތަރައްގީކުރުމަށް ހަމަޖެހިފައިވާ ކަމަށެވެ. އެކަމަށް 15 މިލިއަން ޑޮލަރު ހަރަދުވާނެ ކަމަށާއި ހޯޕް އައިލެންޑް އުތުރުތިލަފަޅުގައި ތަރައްގީކުރުމަށް ބޭނުންވާ 15 ހެކްޓަރުގެ ބިން ހިއްކުމަށް ވެސް 10 މިލިއަން ޑޮލަރު ހަރަދުވާނެ ކަމަށެވެ.
އަދި އުތުރުތިލަފަޅުގައި ސެންޓްރަލް ޕްރިޒަން ކޮމްޕްލެކްސް ތަރައްގީކުރުމަށް ބޭނުންވާ 30 ހެކްޓަރުގެ ބިން ހިއްކުމަށް 15 މިލިއަން ޑޮލަރު ހަރަދުވާނެ ކަމަށާއި އުތުރުތިލަފަޅުގައި އެ ޕްރިޒަން ކޮމްޕްލެކްސް އެޅުމަށް ވެސް 15 މިލިއަން ޑޮލަރު ހަރަދުވާނެ ކަމަށެވެ.
ގަރާރުގައި ވަނީ މުޅި ރާއްޖޭގައި ސޯޝަލް ހައުސިން އެޅުމަށް ނިންމައި އެކަމަށް ފަސް މިލިއަން ޑޮލަރުގެ ބަޖެޓެއް ހިމަނައިފައެވެ.
- ރާއްޖޭގެ ނުވަ ސަރަހަދެއްގައި އެއާޕޯޓް ތަރައްގީކުރުން (ހއ. ދިއްދޫ، ށ. ކޮމަންޑޫ، ށ. ބިލަތްފެހި، ރ. އަލިފުށި، އއ. މަތިވެރި، ފ. ނިލަންދޫ، ތ. ވިލުފުށި، ހދ. މަކުނުދޫ، ށ. މިލަންދޫ، ރ. ފައިނު، ބ. ތުޅާދޫ، މ. މުލި، ތ. ގުރައިދޫ) - ފަސް މިލިއަން ޑޮލަރު
- ހުވަދުއަތޮޅު އުތުރުބުރީގައި ދެވަނަ އެއާޕޯޓެއް ތަރައްގީކުރުން - ފަސް މިލިއަން ޑޮލަރު
- 'ހައްދުންމަތީގައި ދެވަނަ އެއާޕޯޓެއް ތަރައްގީކުރުން - ފަސް މިލިއަން ޑޮލަރު
- ހައްދުންމަތީ ކައްދޫގައި އިންޓަނޭޝަނަލް އެއާޕޯޓެއް ތަރައްގީކުރުން (ފޮނަދޫގައި) - ފަސް މިލިއަން ޑޮލަރު
- ހުވަދުއަތޮޅު އުތުރުބުރީ ވިލިނގިލީގައި އެއާޕޯޓެއް ތަރައްގީކުރުން - ފަސް މިލިއަން ޑޮލަރު
- ހުވަދުއަތޮޅު ދެކުނުބުރީގައި އިންޓަނޭޝަނަލް އެއާޕޯޓެއް ތަރައްގީކުރުން - ހަތް މިލިއަން ޑޮލަރު
- ހައްދުންމަތީ ގަމުގައި އައްސޭރި ޓޫރިޒަމް މަޝްރޫއު ހިންގުން (ލ. ގަމުގައި) - ހަތަރު މިލިއަން ޑޮލަރު
- އައްޑޫ ސިޓީގައި އައްސޭރި ޓޫރިޒަމް މަޝްރޫއު ހިންގުން - ހަތަރު މިލިއަން ޑޮލަރު
- ހޯޕް އައިލެންޑަށް ބޭނުންވާ 15 ހެކްޓަރުގެ ބިން ހިއްކުން (ގިރާވަރު އުތުރުފަޅު، އުތުރުތިލަފަޅު) - 10 މިލިއަން ޑޮލަރު
- ހޯޕް އައިލެންޑް ތަރައްގީކުރުން (ގިރާވަރު އުތުރުފަޅު، އުތުރުތިލަފަޅު) - 15 މިލިއަން ޑޮލަރު
- ސެންޓްރަލް ޕްރިޒަން ކޮމްޕްލެކްސް މަޝްރޫއަށް ބޭނުންވާ 30 ހެކްޓަރުގެ ބިން ހިއްކުން (ގިރާވަރު އުތުރުފަޅު، އުތުރުތިލަފަޅު) - 15 މިލިއަން ޑޮލަރު
- ސެންޓްރަލް ޕްރިޒަން ކޮމްޕްލެކްސް ތަރައްގީކުރުން (ގިރާވަރު އުތުރުފަޅު، އުތުރުތިލަފަޅު) - 15 މިލިއަން ޑޮލަރު
- ރާއްޖޭގެ މިނިވަންކަމާއި ސިޔާދަތާއި އިސްތިގުލާލު ހިމާޔަތްކޮށް ރައްކާތެރިކުރުމަށާއި، ގައުމުގެ ސުލްހަމަސަލަސްކަން ދެމެހެއްޓުމަށްޓަކައި ކުރިއަށް ގެންދިއުމަށް ރޭވިފައިވާ މަޝްރޫއުތައް (މުޅި ރާއްޖޭގައި) - 15 މިލިއަން ޑޮލަރު'
- ސޯޝަލް ހައުސިން މަޝްރޫއުތައް (މުޅި ރާއްޖޭގައި) - ފަސް މިލިއަން ޑޮލަރު
- ރަސްމާލެ މަޝްރޫއަށް ބިން ހިއްކުން (ފުށިދިއްގަރުފަޅު) - ފަސް މިލިއަން ޑޮލަރު
- ގުޅިފަޅުން ބިން ހިއްކުން - ފަސް މިލިއަން ޑޮލަރު
- ގިރާވަރުފަޅުން ބިން ހިއްކުން - ފަސް މިލިއަން ޑޮލަރު
- ބިން ހިއްކާފައިވާ ރަށްރަށުގައި މަގު ހެދުމާއި، ޔުޓިލިޓީ ހިދުމަތްތައް ގާއިމުކުރުން (މުޅި ރާއްޖޭގައި) - ފަސް މިލިއަން ޑޮލަރު
- ތ. ވޭމަންޑޫއާއި ތ. ކިނބިދޫ ކޯޒްވޭ ލިންކަކުން ގުޅައިލުން - ހަތަރު މިލިއަން ޑޮލަރު
- ތ. ދިޔަމިގިއްޔާއި ތ. މަޑިފުށި ކޯޒްވޭއަކުން ގުޅައިލުން - ހަތަރު މިލިއަން ޑޮލަރު
- ލ. ހިތަދޫއާއި ލ. ކުނަހަންދޫ ކޯޒްވޭއަކުން ގުޅައިލުން - ހަތަރު މިލިއަން ޑޮލަރު
- ލ. ކަލައިދޫއާއި ލ. ދަނބިދޫ ކޯޒްވޭއަކުން ގުޅައިލުން - ހަތަރު މިލިއަން ޑޮލަރު
- މ. މުއްޔާއި ނާލާފުށި ކޯޒްވޭއަކުން ގުޅައިލުން - ހަތަރު މިލިއަން ޑޮލަރު
- ހައިޕާފޯމެންސް ސެންޓަރެއް ގާއިމުކުރުން (މުޅި ރާއްޖޭގައި) - 20 މިލިއަން ޑޮލަރު
ޚަބަރު 
ޚަބަރު 
ޚަބަރު 
ޚަބަރު