ހިޔާ ފްލެޓުގެ އެޕާޓްމަންޓެއްގައި މީހަކު ރަހީނު ކުރުމަށްފަހު އެ މީހާގެ އިނގިލި ބުރިކޮށްލަން އުޅުނު މައްސަލައިގައި ދައުވާކުރަން ޕްރޮސިކިއުޓާ ޖެނެރަލް (ޕީޖީ) އޮފީހަށް ފޮނުވާފައިވާ ކަމަށް ފުލުހުން މިއަދު ބުނެފިއެވެ.

ފުލުހުންގެ މީޑިއާ އިން މިއަދު ބުނީ އެ މައްސަލައިގެ ތަހުގީގު ނިންމައި ދައުވާކޮށް ދިނުމަށް ފޮނުވީ މިދިޔަ ހޮނިހިރު ދުވަހު ކަމަށެވެ. އަދި އެ މައްސަލައިގައި ހައްޔަރުކޮށްފައިވާ އެންމެން ކޯޓުން ދޫކޮށްލާފައިވާ ކަމަށްވެސް ބުންޏެވެ. ކޯޓުން އެ މީހުން ދޫކޮށްލި ސަބަބެއް ފުލުހުން ނުބުނެއެވެ.

  • ގދ. ވާދޫ، ވެހި، އަލްމާން އަލީ ހާލިދު (22އ)
  • މާލެ، މ. ހަތިކަނޑު، މުހައްމަދު އިޒްކާން (18އ)
  • ކ. ގުރައިދޫ، ޒުނައިޓްވިލާ، އިޒާން އަހުމަދު (18އ)
  • ށ. ފޯކައިދޫ، ދަންމަރު، އަހްމަދު ޒާހިދު (36އ)
  • ލ. މާވަށް، ޖަމީލާމަންޒިލް، އާދަމް ހުސައިން (48އ)
  • ލ. އިސްދޫ، ހިޔަލީގުލްޝަން، އިބްރާހިމް ނަޝީދު (34އ)
  • މ. ކޮޅުފުށި، އާރެސް، ހަސަން އާލިބް (38އ)
  • ގދ. ވާދޫ، ޖަނަވަރީގެ، މުޝްތާގު ޝާކިރު (37އ)
  • ހުޅުމާލެ، ހިޔާ 03-17-14 މާލެ، ވިސާން މުހައްމަދު (30އ)
  • ގދ. ވާދޫ، ޗިޗަންޑާގެ، ވިޝާމް މުހައްމަދު (23އ)
  • މާލެ، ވ. ގާމާ، އިސްމާއިލް ވިސާމް މުހައްމަދު (29އ)
  • ބ. ގޮއިދޫ، ނައިޓްސްޓާ، އަހުމަދު ސަމީހު (22އ)

އެޗް9-20-11 ގައި ރަހީނުކުރި މީހާ ސަލާމަތްކުރީ މިދިޔަ މަހުގެ ހަތްވަނަ ދުވަހު ފުލުހުން ހިންގި ހާއްސަ އޮޕަރޭޝަނެއްގައެވެ. ފުލުހުން ބުނި ގޮތުގައި މަސްތުވާތަކެއްޗާ ގުޅޭ މައްސަލައެއްގައި އެ މީހާ ރަހީނުކުރީ ގޭންގަކަށް ނިސްބަތްވާ ބައެކެވެ.