ދުނިޔޭގެ އެންމެ މުސްކުޅި މީހާ އުމުރުން 112 އަހަރުގައި މަރުވެއްޖެއެވެ.

ޖޯން އަލްފްރެޑް ޓިނިސްވުޑްގެ އާއިލާއާ ހަވާލާދީ ރިޕޯޓްތައް ބުނާ ގޮތުން އޭނާ މަރުވެފައިވަނީ މިދިޔަ ހޯމަ ދުވަހުއެވެ.

ޖޯން އަލްފްރެޑަށް ދުނިޔޭގައި ހުރި އެންމެ މުސްކުޅި މީހާގެ މަގާމު ލިބުނީ މިދިޔަ އޭޕްރިލް މަހު އޭރު ދުނިޔޭގައި ހުރި އެންމެ މުސްކުޅި މީހާ އުމުރުން 114 އަހަރުގައި މަރުވުމުންނެވެ.

އޮގަސްޓް 26، 1912 ގައި އުފަންވި ޖޯން އަލްފްރެޑްއަކީ 2020 ވަނަ އަހަރުން ފެށިގެން އިގިރޭސި ވިލާތުގައި ހުރި އެންމެ މުސްކުޅި މީހާއެވެ.