ބޭސް އުފެއްދުމުގައި މަޝްހޫރު ފައިޒާ އިން އުފައްދަމުންދިޔަ ބަރުދަން ލުއިކުރާ ބޭހުގެ މަސައްކަތް ހުއްޓާލައިފިއެވެ.

އެ ބޭސް އުފެއްދުން ހުއްޓާލާފައިވަނީ ބޭހުގެ ޓެސްޓުކުރުމުގެ މަރުހަލާގައި ދިމާވި ކަންތައްތަކުގެ ސަބަބުން ކަމަށް އެ ކުންފުނިން ބުނެއެވެ. އެގޮތުން ބޭހުގެ ކްލިނިކަލް ޓެސްޓިންގައި އެ ބޭހުގެ ސަބަބުން ލިވާއަށް ގެއްލުންވާކަން ފާހަގަކުރެވިފައިވާ ކަމަށް ބުންޏެވެ.

ފައިޒާގެ ތަރުޖަމާނު ވަނީ ދިރާސާކުރާ ފަރާތްތަކުގެ އެހީގައި ބޭހަށް ދިމާވި މައްސަލަ ބަލައި އެކަމުގައި ގެންނާނެ ބަދަލުތައް ހޯދުމަށް މަސައްކަތް ކުރަމުންދާ ކަމަށް ބުނެފައެވެ. އަދި ކަމާބެހޭ އިދާރާތަކަށް ހުއްދައަށް އެދި ހުށަހެޅުމުގެ ކުރިން ބޭހުގެ ރައްކާތެރިކަން ކަށަވަރުކުރާނެ ކަމަށްވެސް ބުންޏެވެ.